Anita Bitri "Na Jep Bekimin"

Në këtë këngë të titulluar "Na jep Bekimin", Anita shpalos edhe njëherë ndjenjat e saj patriotike dhe atdhedashëse ndaj mëmëdheut të saj të dashur Shqipërisë që i mungoj aq shumë gjatë 9 viteve të gjatë të mërgimit.

Eksperienca e gjatë e krijuar në vite si dhe pjekuria artistike, të gërshetuara edhe me talentin e saj si krijuese, bëri që Anita të shkruaj e të kompozoj vetë tekstet dhe muzikën e albumit të saj të dytë shumë të suksesshëm "Çdo gjë është e mundur". Në këtë album Anita shfaqet si një artiste e kompletuar e sigurtë dhe e vendosur për të shkelur në shtigje të reja të pashkelura më parë. Ajo me një stil të ri dhe të larmishëm, i servir publikut materiale muzikore të stileve të reja dhe të ndryshme nga njëri-tjetri, duke e bërë këtë album sa të plotë aq edhe tërheqës dhe duke shfaqur kështu vlera të padiskutueshme krijuese dhe interpretuese. Ndërthurja e materialit muzikor me tekstet e ndjera dhe plot frymëzim, orkestracionet me shije bashkëkohore si dhe interpretimi dinjitoz i saj tregojnë fare qartë cilësitë e kësaj artisteje tashëm të kompletuar. Nëpërmjet këtij albumi, Anita arriti të krijoj figurën e saj të veçantë si kantautore, duke dhënë edhe ajo kontributin e saj të vlefshëm në fushën e krijimtarisë dhe të interpretimit artistik.

Për të dëgjuar dhe downloader for free këtë album mund ta gjeni në: www.anitabitri.com